Nga Basir Çollaku
Eunuket janë shërbëtorë të gjymtuar në projeksion me ardhmërinë, e kështu ata e ngatërrojnë padronin me Zotin, derisa shkojnë në theqafje prej damkës.
Kështu ishin lleshasit e sotëm me uniforme përballë qytetarëve. Protesta e sotme e opozitës thua bëhej në Siri, ku Asadi i Tiranës, ikanaku azmatik kish dhënë urdhër përgjakjen.
Lulzim Basha ka detyrim ti shkojë, ashtu siç ka nisur, deri në fund këtij akti politik të domosdoshëm.
Edi Rama, mund të cilësojë kokainën bukë edhe gjellë, ndaj urren njerëzit dhe nis ti vrasë. Ka gjetur të paaftin e verbër Lleshaj duke bërë çka askush nuk e ka bërë në këtë vend as në diktaturë.
Gaz lotsjellës, helmues ndër fëmijë, të moshuar, jo protestues. Sikur të mos tepronte kjo, e gjitha lëndë Made in Serbia.
Hidhej ndaj qytetarëve në njësi shërbimi, në rrugë, qendër tregtare, banesa rrotull vendprotestës.
Në zona të banuara jashtë perimetrit të protetes. Në vetëm dy orë njoftim qytetarët u mblodhën mijëra. Treguan kush është shumicë. Dëshmuan rënien e Kuvendit.
Por genocidin e bëjnë diktatorët. Kjo quhet tentativë vrasje, por Arta dhe Donika nuk kanë sms nga shef Edi për të hetuar krimet. Kundrazi për ti mbrojtur. Kështu të rreshtuar krah pushtetit, me kurriz nga shtetit, mbrojtësit e ligjit janë në anën e përdorjes së keqe. Në protestë ka gra, fëmijë, e të moshuar të lënduar nga gazi serb apo rus pak ka rëndësi, ndonëse simbolika shëmton turpësisht.
Jashtë proteste edhe më tepër se aq. Ligji e ndalon policinë apo gardën të perdore lëndë të tilla në raste kur ekspozohen mosha të tilla. Por Rama, Lleshi, Arta dhe Donika nuk dëgjojnë as bëjnë kujdes se janë vetëpërfshirë si konsumues të veprave të rënda penale.
Zëri ushtarak i Lleshit në megafon si një kujtesë e Shqipërisë së vjeter. Ai qoftë. Ju shitofte Zana, thotë trashegimia jonë e ndëshkimit hyjnor.
Ngurosje, kallkanosje, lënie në pamundësi të përhershme. Shpesh në jetë populli delegohet nga Zoti të bëjë dhe çbëjë. Kjo nuk dërgohet me postë, vetëm zgjedh dhe ndodh.
