Ish-Kryeministri Sali Berisha ka publikuar në rrjet një denoncim të rëndë lidhur me gazin kimik të përdorur ndaj protestuesve në protestën e djeshme para Parlamentit.
“Beogradi furnizon me helme kimike Zografin Bis!”, shkruan Berisha në mesazhin e tij.
Në vijim, referuar mesazhit të një oficeri të Kosovës, Berisha shkruan se gazi helmues që u përdor dje në Tiranë është përdorur vetëm kundër shqiptarëve në Kosovë dhe Preshevë.
Denoncimi
Përshëndetje Doktor.
Jam oficer i Ushtrisë së Kosovës. Jam skandalizuar nga ajo që ndodhi dje në Tiranë.
Gazi helmues që u përdor dje në Tiranë është i kohës së Millosheviçit dhe është në përdorim si helm kimik luftarak vetem nga ushtria dhe jo nga policia serbe dhe është gaz kategorikisht i ndaluar me konventa ndërkombëtare, që të përdoret kundër civilëve. Ai përdoret kundër armikut në fushë betejë apo vendodhjes së grupeve terroriste
Ky gaz toksik me pasoja serioze është përdorur kundër civilëve, nga Millosheviçi vetëm kundër shqiptarëve në Kosovë dhe nga Daçiç në vitin 2012 përsëri vetëm kundër shqiptarëve në Preshevë.
Edi Rama duhet paditur në Hagë për përdorimin e tij mbrëmë kundër protestuesve në Tiranë mbasi ka shkelur konventën ndërkombëtare të përdorimit të lëndëve kimike.
Me respekt.
