VIDEO/ Bën edhe autokritikë, Rama: Dorëzimi i mandateve, akt i paparë dhe i padëgjuar…

Edi Rama, kryeministër i Shqipërisë, përmes një komunikimi për mediat tha se opozita parlamentare ka konsumuar një akt të paparë dhe të padëgjuar, por jo krejt i pashpjegueshëm për ne, në Shqipëri.

“Jam zgjedhur Kryeministër dy herë, një herë duke kryesuar një koalicion, dhe herën e dytë me një shumicë absolute, duke shkuar në zgjedhje me një qeveri bashkë me opozitën, të cilës i dhamë gjithshka tjetër që kërkoi.

Kishim një synim të vetëm, moskontestimin e rezultatit të zgjedhjeve nga humbësi dhe mospërbaltjen e imazhit të vendit në gjuhë të huaj”, tha Rama.

Sipas tij, shkaku i humbjes në herën e dytë, ka të bëjë me mosreflektimin ndaj 1 milionë shuplakave që mori PD në 2013.

Rama e cilësoi si një kulm të ri, dorëzimin e mandateve të deputetëve.

“Nuk jam as i pagabueshëm, as i pakritikueshëm, kam bërë gabime, sikundër di edhe të tërhiqem dhe të kërkoj falje.

Jam munduar të respektoj dhe të dëgjoj me mijëra njerëz, jam tërhequr duke bërë hap mbrapa më shumë se 1 herë kur kam kuptuar se kanë pasur të drejtë ata që protestojnë apo ankohen, sikundër jam përpjekur ti përgjigjem të gjithëve qoftë me mbështetje, qoftë me replika.

Sulmohem për ditë e për natë, jo vetëm nga gojëpërdalët e opozitës zyrtare, por edhe nga lloj lloj figurash në televizione e portale, me fis e me farë.

Jam në borxh me nënën, fëmijët e gruan, me miq që si kam takuar prej vitesh, por kurrë nuk kam menduar dhe jo më të kem ngritur gishtin e pushtetit ndaj askujt, se kam menduar kurrë dhe jo më ta bëj. Kurrë nuk do të gjeni në asnjë arkivë që Saliut kriminel me duart me gjak, Ilirit ti kem thënë horr bulevardi, adashit tim në Kuvend ti kem thënë idiot klasik, Monikës ti kem thënë hajdute me çizme.

LEXO EDHE  Tërbohet moti në Shqipëri/ Ja çfarë kohe na pret 3 ditët e ardhshme (Foto)

Nuk do të gjeni sulme verbale, shantazhime apo të kem penguar pronarë mediash në kryerjen e detyrave të tyre, pavarësisht se shfryjnë për ditë.

Është vonë që unë të bëhem çun i mirë me të gjithë dhe shumë herët për mua që të bëjë plakun e urtë për të gjithë. Por nuk ia kam premtuar atyre që më kanë zgjedhur një gjë të tillë, sikundër jo se nuk i kanë ditur huqet apo atltetet me kostum”, tha Rama.

Kryeministri theksoi se kjo Shqipëri nuk është ajo që duam, por nuk mund të krahasohet me atë që kishim.

“Ata që kërkojnë kokën time, ia futën këtij populli kokën me këmbëve me keqqeverisjen e tyre. Shqipëria që kemi jo se nuk ka familje që nuk mbyllin dot muajin me bukë, por në Shqipërinë e atyre që kërkojnë kokën time, ishin shumë e shumë më tepër”, tha Rama.

Sipas tij, qeveria është e kritikueshme sa të duash, por edhe e dëgjon popullin tonë.



PËRGJIGJU

Please enter your comment!
Please enter your name here