Bashkimi Europian vendos pa ardhur qershori për të mos hapur negociatat me Shqipërinë.
Nënkryetari i PD-së, Edi Paloka, përmes një komenti në rrjetin social shkruan se ky është një tjetër grusht ndaj Edi Ramës.
“BE vendos pa ardhur qershori, tjeter grusht ndaj Ramës.
Pas kaq kohësh që Ramen as nuk e fton , as nuk e pret e as nuk e takon kush, BE i ka dhënë një grusht tjetër hundeve. Nuk ka pritur të viëj qershori , po e ka marre vendimin që tani: me Ramën nuk ka hapje negociatash as këtë qershor.
Siç kujtojnë të gjithë, Rama shpalli duke mashtruar qershorin e kaluar, se negociatat ishin hapur. Në fakt negociatat nuk do të hapen as këtë qershor. Çdo ditë që qëndron Rama, shqiptarët janë më larg Evropës e jo vetëm”, shkruan Paloka.
Në qershor pritet që zyrtarisht Komisioni të shprehet zyrtarisht lidhur me hapjen ose jo të negociatave me Shqipërinë, por duket se vendimi do të jetë negative, ashtu si edhe më parë.
Nëse ndodh kjo, qeveria Rama do të marrë refuzimin e 3-të nga BE për hapje negociatash, ndërsa pritet që ai të drejtojë gishtin e përgjegjësisë ndaj opozitës dhe Europës, sikundër ndodhi edhe vitin që kaloi.
