Garda e Republikës tentoi disa herë dje të shpërndajë protestuesit duke përdorur gaz lotsjellës, për të cilin ka dyshime, jo vetëm mbi dendësinë dhe sasinë, por edhe llojin e tij.
Disa qindra qytetarë të pranishëm në protest, vuajtën pasojat e shkaktuara nga gazi që hidhej nga tarraca e Kryeministrisë, ndërsa disa qytetarë, policë dhe gazetarë u transportuan drejt qendrave spitalore për të marrë ndihmën e parë.
Lidhur me gazin e përdorur kundër protestuese ka reaguar edhe deputetja e PD-së, Albana Vokshi, sipas të cilës duhet të hetohet se çfarë gazi toksik është përdorur me urdhër të Edi Ramës.
“Pamje të #tmerrshme që tregojnë qartë sulmin me gaz toksik urdhëruar nga Rama mbi protestuesit.
Të gjithë jemi ndjerë keq gjatë ditës nga gazi i hedhur e shqetësimet vazhdojnë ende.
Të #hetohet cfarë lëndësh janë përdorur nga Policia me urdhër të #Ramës”, shkruan Vokshi në një postim në rrjetet sociale.
