Protestës së organizuar nga opozita në bulevardin “Dëshmorët e Kombit” i janë bashkuar edhe punonjës të administratës publike.
Një prej drejtorëve të emëruar nga Rilindja, që në fillim të mandatit të saj të parë (2013), Shemsi Premçi, ka qenë pjesëmarrës në protestë.
Premçi, ish-Drejtor i Emergjencave Civile, mbante veshur një tip pelerine me mbishkrimin “Administrata Publike Proteston”.
Pak muaj më parë Premçi u largua nga posti i rëndësishëm që mbante me firmë të ministres së Mbrojtjes, Olta Xhaçka.
Vite më parë, Premçi ka qenë pjesë e strukturave të PD-së, më pas ishte një nga drejtuesit e policisë së Shtetit, për t’iu bashkuar Rilindjes së drejtuar nga Rama pak muaj para zgjedhjeve të 2013-ës. /Boldnews.al/
