Mbrëmjen e djeshme në doganën e Kapshticës u ndaluan dy kamionë të ngarkuar me krunde, por ku është gjetur edhe një sasi e konsiderueshme droge.
Nga të dhënat e deritanishme mësohet se në total sasia e lëndës narkotike e bllokuar është rreth 1700 kg, nga të cilat 1150 kg ndodheshin në një prej kamionëve dhe pjesa tjetër, në kamionin e dytë.
Burimet bëjnë me dije se droga ishte e paketuar në thaës, numri total i të cilëve është 103.
Paralelisht me bllokimin e lëndës narkotike, policia ka nisur hetimet dhe ka kërkuar nga homologët grekë të mbledhin informacione mbi pritësit e lëndës narkotike.
Burimet shprehen se gjatë ditës së sotme priten të tjera arrestime, ndërsa nga të dhënat e para mësohet se drejtuesit e dy mjeteve ku u gjend droga, kanë pohuar se nuk kishin dijeni për lëndën narkotike.
Të arrestuarit janë Zija Hidri dhe Ardian Sako, ndërsa kamionët e bllokuar janë me targa AA 874 UZ dhe tjetri AA 701 XO.
Burimet policore bëjnë të ditur se kamionët do të ndiqnin itenerarin Shqipëri-Greqi-Turqi, por ajo që nuk dihet është se ku ndodhen pritësit e lëndës narkotike.
