Reshjet e shiut dhe borës, ARRSH: Ja si paraqitet situata në akset kryesore…

Reshjet e shiut dhe të borës të rëna gjatë natës kanë krijuar problem në qarkullimin e automjeteve në disa akse rrugore.

Referuar të dhënave nga ARRSH, të gjithë kontraktorët janë në gatishmëri dhe po punojnë për pastrimin dhe shpërndarjen e kripës në segmentet ku ka prezencë bore.

Në Rajonin Jugor Gjirokastër: Në Qarkun e Korçës ka pasur reshje shiu dhe në lartësitë mbi 1300 m, ka pasur reshje bore.  Të gjitha akset e këtij rajoni qarkullohen normalisht.

Në Rajonin Qendror Tiranë: Ka pasur reshje shiu. Në akset e Dajtit ka pasur reshje të dobëta bore. Deri tani nuk ka probleme për qarkullimin.

Në Librazhd-Steblevë, ka pasur rreth 20 cm bore. Po punohet nga kontraktori për pastrim dhe shpërndarjen e kripës.

LEXO EDHE  Simboli i shpresës dhe besimit/ Basha uron nxënësit për vitin e ri shkollor

Të gjitha akset e këtij rajoni qarkullohen normalisht.

Në rajonin verior Shkodër: Gjatë natës ka pasur reshje shiu dhe bore. Trashësia e borës shkon nga 10-40 cm. Kontraktorët po vazhdojnë punën për pastrimin e akseve dhe shpërndarjen e kripës.

Qarkullohet me zinxhir në rrugët:

Ura e Cerenecit – Stebleve, 25 km e fundit, ka pasur rreth 20 cm bore.

Trebisht – Dogane, ka pasur rreth 5-10 cm bore.

Qafë Bualli-Krastë, ka rreth 20 cm bore.

Kuben-Vasie, ka rreth 40 cm bore.

Të gjitha akset e tjera qarkullohen pa probleme.

Rekomandohen përdoruesit e rrugës, të bëjnë kujdes në lëvizje dhe të respektojnë sinjalistikën rrugore, të reduktojnë shpejtësinë për shkak të lagështisë në rrugë.