Një vrasje ka tronditur Tiranën mëngjesin e sotëm, ndërsa autori i krimit është një punonjës i Gardës së Republikës.
Viktima është shtetasja E.S, 36 vjeçe, bashkëshorte e autorit të krimit.
Policia e Tiranës, në bashkëpunim me SHÇBA, ka arrestuar në kushtet e flagrancës gardistin, i cili po merret në pyetje për krimin e rëndë.
Nga të dhënat e para, mësohet se 44-vjeçari Alket Arapaj ka qëlluar me armën e shërbimit, pistoletë, mbi bashkëshorten e tij, krim që ka ndodhur në orën 06:00 të mëngjesit.
“Shërbimet e Policisë të Komisariatit Nr.4, në bashkëpunim me SHÇBA arrestuan në flagrancë shtetasin A. A., 44 vjeç (punonjës në Gardën e Republikës).
Rreth orës 06:00 të mëngjesit, në banesën e tij në Allias, ai dyshohet se ka vrarë me armën e shërbimit bashkëshorten, 36 vjeçe”, sqaron policia e Tiranës në njoftimin zyrtar.
Materialet iu referuan për veprime të mëtejshme Prokurorisë së Rrethit Gjyqësor Tiranë për veprën penale “Vrasje për shkak të marrëdhënieve familjare”.
DENONCO