Opozita ka thirrur qytetarët në një protestë më 16 shkurt për rrëzimin e qeverisë së Kryeministrit Edi Rama. Kur ka mbetur më pak se një javë nga mbajtja e protestës nuk dihen shumë detaje ose forma që do të zgjedhë opozita për realizimin e qëllimit të saj.
Gjithsesi deputeti Dash Shehi sqaron se opozita ka vetëm një plan, të largojë Edi Ramën. Dhe sipas tij për t’a realizuar këtë plan duhet të ketë rezistencë.
“Një plan kemi, planin A, të largojmë Edi Ramën. Do rezistojmë deri kur të largohet ky pastaj koha do të tregojë nëse jemi të fortë për ta bërë këtë punë apo… shprehet Shehi për Oraneës.
Lidhur me thirrjet e ndërkombëtarëve se opozita duhet ta zhvillojë betejën në Parlament, kreu i LZHK-së sqaron se detyra e opozitës është të jetë si në sallë ashtu edhe në krah të qytetarëve në rrugë.
“Të huajt mos të shqetësohen fare. Ne jemi në parlament por ne do të shkojmë edhe në rrugë në këtë demonstrate”, shtoi ai.
Shehi nuk beson se do të përsëritet çadra, pasi marrëveshja e 18 majit sipas tij është një dështim i opozitës.
