Deputetja demokrate Orjola Pampuri ka reaguar përmes një postimi në rrjetet sociale lidhur me ministren e Shtetit, Elisa Spiropali, për ngjarjen e rëndë të ndodhur në Kavajë.
Pampuri shkruan se ministrja Spiropali duhet të largohet nga detyra një orë e më parë pasi ka shkelur hapur ligjin “Për mbrojtjen e të drejtave personale”.
Sipas Pampurit, propaganda e qeverisë ka shkelur çdo lloj kodi etik duke bërë që pushteti të degradojë.
“Maskarallëku i qeverisë spiropaliste me ngjarjen e rëndë të Kavajës nuk njeh kufi. Një ditë e quan ngjarjen skenë filmi, një ditë bën show, me pas bën propagandë duke shkelur çdo kod etik, moral, por edhe ligjin duke nxjerre me zë dhe figurë prinderit fatkeqë.
Jo për herë të parë dështimin e qeverisjes së tij Edi Rama mundohet ta fshehë pas propagandës.
Përdorimi i dhimbjes së prindërve të vajzës nga Kavaja është kulmi i këtij maskarallekut të kësaj mizerje qeverie. Të njëjtën gjë bënë me Xhisielen e Fushë-Krujës, të cilën në fund e detyruan të mohojë veten. Kjo është e vetmja qeveri që bën propagandën me viktima të pushtetit të saj të degraduar.
Elisa Spiropali duhet të largohet një orë e më parë pasi ka shkelur ligjin: “Për mbrojtjen e të drejtave personale” e më pas dhe Edi Rama. Këta nuk njohin limite sepse kanë moralin e përdhunuesve që sollën në pushtet. Me 16 Shkurt të gjithë bashkë të largojmë Edi Ramën që nesër të mos ketë viktima “subjekt” për filmat e propagandës së tyre”, shkruan Pampuri.
DENONCO