Pak ditë përpara zhvillimit të protestës së 16 shkurtit në Tiranë me synim rrëzimin e qeverisë, Kreu i PD-së, Lulzim Basha, ka përcjellë një mesazh të qartë.
Sipas tij, rrëzimin e Edi Ramës dhe qeverisë së tij nuk e kërkon vetëm opozita, por edhe Perëndimi.
“Dëgjoni e mbani vesh, ky nuk është vetëm mesazhi i opozitës: pritshmëritë e Perëndimit, Europës, janë tek i vetmi faktor që jeni ju”, u shpreh Basha nga Vlora.
Kjo është hera e parë që kreu demokrat artikulon qartazi tezën, duke e shprehur publikisht, se Perëndimi nuk mbështet Kryeministrin Edi Rama.
