Deputetja demokrate Albana Vokshi ka reaguar lidhur me ngjarjen e ndodhur në Kavajë, duke shtuar se është e turpshme që po fshihet një krim monstruoz.
Duke iu referuar video-mesazhit të shpërndarë nga ministrja Elisa Spiropali për ngjarjen e Kavajës, Vokshi i kujtoi ministres kohën kur ishte drejtuese e doganave, duke shtuar se për të çdokush që nuk vishet me Guçi është vulgar.
Në fjalën e saj, Vokshi gjithashtu i drejtoi një apel ministrit të Brendshëm që të qëndrojë larg protestës së studentëve dhe pedagogëve.
“Larg duart nga studentët, është puç kushtetues. Detyra jote e vetme është të zbatosh ligjin dhe kushtetutën, lërini studentët të protestojnë”, tha Vokshi.
