Kreu demokrat Lulzim Basha u shpreh se parlamenti është kthyer në një kukull të oligarkisë dhe krimit. Basha theksoi se ky parlament ka humbur tërëëisht lidhjen me realitetin, pasi të vetmit që kanë përfituar nga politikat e qeverisë janë oligarkët dhe miqtë e Edi Ramës.
“Këta që harxhojnë miliona euro në muaj për oligarkët, nuk kanë shpenzuar qoftë edhe 1 euro në favor të peshkatarëve shqiptarë. Peshkatarët janë lënë në mëshirë të fatit, nuk akordohet asnjë 1 euro për t’I shkuar në ndihmë.
Të gjitha ligjet që sjellin këta në Kuvend, janë ligje zhvatjeje.
Kriza ka rritur dimensioned tragjike, pasigurisë totale në shkolla dhe pacipësisë sikundër shprehet ministri i Brendshëm. Janë trefishuar rastet e krimit dhe goditjes së biznesit, çka tregon se vendi është në krizë depresioni, dhe jo vetëm ekonomike.
Jemi në krizë totale.
Ne shteruam çdo rrugë politike, por edhe ju duhet ta keni të qartë: se as Europa dhe as Berlini, nuk do e lejojnë këtë maskaradë.
Në qershor nuk do të ketë hapje negociatash për Shqipërinë. Nuk do të ketë hapje negociatash për Shqipërinë në qershor dhe përgjegjësi i vetëm për këtë është kryehajduti që është ulur në atë karrike me votën e krimit”, tha Basha.
Në vijim kreu demokrat shtoi se vendi është në krizë ekonomike dhe të vetmit që jetojnë në luks janë një grusht politikanësh të lidhur me krimin dhe oligarkësh, pasi kjo sallë e Kuvendit nuk takohet më me qytetarët shqiptarë, por me bandat anembanë Shqipërisë, sikundër Zëri i Amerikës ia përplasi në fytyrë.
“Një qeveri e ardhur në pushtet me votën e krimit, nuk ka lidhje me qytetarët.
