Pritjes së gjatë i erdhi fundi.
Javën e ardhshme rikthehet Champions League në fazën më interesante me eliminim direkt.
Prova e vërtetë do të jetë VAR-i që do të përdoret për herë të parë në kompeticionin më të rëndësishëm në rang klubesh.
Roberto Rosetti, shefi i arbitrave të UEFA-s, ka konfirmuar konceptet bazë: do të përdoret vetëm në rast të një gabimi të qartë; për situatat objektive (pozicion jashtë loje, faull brenda apo jashtë zonës së rreptësisë…) do të mjaftojnë dy arbitrat e VAR; për rastet që kanë nevojë për interpretim, arbitri kryesor të shikojë përsëritjen e imazheve buzë fushës, “por qëllimi është që teknologjia të përdoret sa më pak të jetë e mundur dhe vetëm kur të jetë e domosdoshme”.
