Ish-Kryeministri Sali Berisha u shpreh mbrëmjen e sotme se Edi Rama është një person i dezikujlibruar.
Berisha tha se debati që pati me Ramën në Parlament nisi për shkak të pyetjes që i ngriti nëse bashkëshortja e tij, Linda Rama, kishte opsione apo aksione te Abi Bank.
“Edi Rama është një person i dezikullibruar. I kam bërë një pyetje pasi zonja e tij në konflikt të hapur interesi u emërua anëtare e bordit të ABI Bank, në një kohë kur zoti Ballta u emërua në Bordin e Agjensisë së Investimeve të Huaja.
Pra u bë një shkëmbim kokë më kokë.
ABI Bank është regjistruar në vrimat e zeza offshore.
Ligji bankar kërkon që të bëhet transparence për çdo aksioner.
Pra zonja Rama hyri në bordin e një banke, e vetmja e regjistruar në Offshore dhe unë i kam kërkuar Kryeministrit të sqarojë nëse bashkëshortja e tij ka opsione apo aksione në këtë bankë?
Çfarë fyerje i kam bërë unë atëherë, kur i kërkojë të sqarojë një detyrim?”, tha Berisha në studion e Oraneës.
Në vijim ai shtoi se Rama i tha shqiptarëve që Berisha është kaq i lig, sa u mor me familjen dhe djalin e tij.
“Por dosjen nuk e kam patur unë, e ka pasur Mero Baze, i cili edhe ia ka botuar. Tani këtij që ia ka botuar dosjen i jep 100 mijë dollarë dhe ia dërgon djalin në studiojë në universitet, në një kohë që ishte përjashtuar si problematik nga Universiteti i Vjenës, por që u shpall ekselent nga Rama”, tha Berisha.
