Ish-kryeministri Sali Berisha iu përgjigj pyetjes nëse ka ende besim te kreu i PD-së, Lulzim Basha.
Berisha tha se kishte të njëjtin besim dhe se është i bindur se nën drejtimin e Bashës PD do të fitojë zgjedhjet.
“Unë nuk kam dyshuar tek Basha ndonjëherë. Basha me të ndjerin Sokol Olldashi kanë kandiduar që të dy, asnjërit prej tyre nuk i thashë të kandidojë. Unë tek të dy kisha besim, por edhe të tjerë po të vinin unë do të thoja kandido. Sot është kohë tjetër. Atëherë Basha ishte kandidat, sot është lider i PD. Unë jam i bindur që PD nëse do të bëhen zgjedhje të lira, fiton zgjedhjet bashkë me opozitën’, tha Basha.
Në vijim ai dha edhe një këshillë për kreun demokrat.
“Pse unë mbijetova? Një fakt i thjeshtë nuk u dorëzova kurrë, kjo është e vërteta, mbrojta me çdo çmim ato pak parime që unë besoj.
Së dyti duke mos dashur të krahasoj periudhat gjykoj se PD duhet të bëjë një përpjekje shumë më të madhe në drejtim të një zgjerimi jo vetëm të mbështetjes së saj, por të një bashkëveprimi me të gjitha shtresat të cilat e shohin se në Shqipëri është instaluar kakistokracia.
Përfshijnë për mua spektrin e gjerë të mundshëm, përveç kriter në asnjë mënyrë krimin dhe bandat.
PD duhet të bëjë një përpjekje të madhe për tu shtrirë drejt emigracionit dhe diasporës, në angazhimin e softit e mendjes e aftësive të mëdha të shqiptarëve në vende të ndryshme.
Unë e kam biseduar edhe këtë me zotin Basha, dhe unë prapë insistoj në këtë. Sot ka personalitete shumë të shquara në fusha të ndryshme të cilat mund ti japin një kontribut PD-së. Unë jam për një hapje të madhe të PD-së, por dhe për një vështrim drejt elitës shqiptaro-amerikane, shqiptaro-evropiane”, tha ai.
Lidhur me përgjimet e publikuara në atë që quhet dosja për blerjen e votive, Berisha tha se këtu janë përfshirë edhe ministri dhe vetë kryeministri.
Berisha tha se janë mijëra faqe përgjime në dosje, duke shtuar se nga dokumentet do të dalin shumë fakte.
