“Rapiscan”, kompania amerikane e cila kishte me koncesion skanimin në dogana është larguar prej kohësh nga Shqipëria, por ky proces vazhdon me partnerët e saj shqiptarë, “S2 Albania”.
Kontrata e qeverisë Berisha me Rapiscan u kontestua fort nga opozita e asokohe sot në pushtet.
Erion Braçe, me të ardhur e majta në qeveri, i dërgoi madje një letër Ministrit të Financave, për verifikimin e kontratës së qeverisë “Berisha” me Rapiscan, kompaninë amerikane e cila kishte me koncesion skanimin në dogana në Shqipëri duke pohuar se në të kishte taktika korruptive.
Edi Rama, në nje akt të pare anulloi kontratën e miratuar ne parlament me këtë kompani. Por pak muaj me vonë ai anulloi vendimin e tij dhe kompania vazhdoi punën. Në kontratë u bënë disa ndryshime por që mesa duket rëndojnë palën shqiptare, shkruan neësbomb.
Kështu, çmimi për deklaratë u ul nga 37 euro në 22 euro, por u pëfshinë në detyrimin për të paguar 5 euro, seria e pafundme e deklaratave nën 1000 euro, dhe që me kontraten e parë ishin perjashtuar nga pagesa.
Për më tepër sipas ligjit që Rama miratoi në Parlament, qeveria detyrohet të paguajë për secilin Vend (skanimi).
Më herët pagesën për ngarkesat e skanuara më parë e bënte biznesi dhe këtë pagesë doganat ua njihnin kompanive si shpenzime të zbritshme. Në kontratën e dyte, kompania paguhet nga biznesi por me garanci buxhetore, pra para direkt nga buxheti i shtetit.
Open Data Albania ka publikuar të gjithë listë- pagesën që Drejtoria e Përgjithshme e Doganave i ka bërë kompanisë së skanimit përgjatë viteve 2015-2019.
Deri tani janë paguar 4,534,645,973.00 lekë nga buxheti i shtetit për kompaninë.
Listë pagesat e TRANSAKSIONET sipas datave dhe vendeve, me shumat respektive.
PËR MË SHUMË: Kontrata e Koncesionarit 10.04.2013 dhe 1- NDRYSHIMET QË BËRI RAMA 2-PËR AMENDIMIN E MARRËVESHJES SË KONCESIONIT
