Rreth dy muaj më parë një vajzë 14-vjeccare është përdhunuar në grup, por ngjarja është denoncuar vetëm dy ditë më parë.
Ishte ish-Kryeministri Sali Berisha që ka publikuar mesazhin e qytetarit digjital dhe më pas pati një lëvizje të institucioneve të sigurisë në vend për të arrestuar personat e përfshirë në krim.
Pas denoncimit të ngjarjes ka pasur shumë reagime, mes të cilëve edhe Altin Hazizaj, drejtuesi i “Qendrës për të Drejtat Njerëzore të Fëmijëve”, i cili bën përgjegjës shtetin për atë ccfarë ka ndodhur.
Në një lidhje telefonike për Ora Neës, Hazizaj tha se zyrtarë të lartë të qeverisë duhet të japin dorëheqjen.
“Institucionet shqiptare, shteti shqiptar, qeveria shqiptare nuk reagojnë në të tilla raste, sepse thuajse në të gjitha rastet që janë raportuar deri tani nuk bëhet fjalë për zyrtare ministrash, nuk bëhet fjalë për fëmijë deputetësh, për djem apo vajza të kryetar bashkie, të këtyre njerëzve që mbajnë pushtetin, por që kanë për detyrë të bëjnë diçka për fëmijët.
Rasti i fundit për mua është një skandal që në fakt nuk duhet të ndalet këtu, nuk duhet të jetë skandal i radhës, por ky skandal duhet të shkaktojë dorëheqje masive të të gjithë atyre ministrave, zv/ministrave, kryetarëve të bashkisë, drejtorët e policisë. Për mua ky është momenti që zyrtarët më të lartë të qeverisë shqiptarë duhet të fillojnë të japin dorëheqje masive”, shprehet ai.
