Edi Rama është producenti i teatrit që ndodh në sallën e Kuvendit. Asnjëherë Shqipëria nuk ka pasur një kryeministër të tillë që e ka kthyer foltoren e Kuvendit në vendin e batutave, ndërsa disa sharlatanë të tjerë duartrokasin atë që thotë Rama.
Akuzat i janë drejtuar Ramës nga deputeti i opozitës, Dashamir Shehi, sipas të cilit Parlamenti shqiptar ka degraduar.
Lidhur me protestën e 16 shkurtit, Shehi tha se ajo që synohet është ti tregohet ndërkombëtarëve që shqiptarët nuk e duan këtë qeveri.
“Rama ka bërë atë që 1 kilometër rrugë të shkojë në 20 milionë dollar, a thua se ky rrugët po i shtron me mermer.
Çfarë mendon ky që shqiptarët janë budallenj?
Ne synojmë një qeveri tranzitore që për herë të parë të garantohet një klimë e re që të garantojë zgjedhjet e lira dhe të ndershme.
Në Shqipëri ka humbur shpresa për zgjedhje të lira, ndaj kjo qeveri tranzitore duhet të garantojë një klimë që të rikthehet kjo shpresë. Duhet krijuar një klimë krejt tjetër. Jam i sigurtë që qeveria do të dëshironte një qeveri që ka mbështetjen e të gjithë palëve, në mënyrë që të arrinte të mbyllej edhe proçesi i negociatave me BE.
Qeveria tranzitore është rruga e vetme që ka vendi për të ndryshuar klima në vend.
Edi Rama ka 6 vjet që qeveris duke mbjellë drogë, ka shtuar korrupsionin”, tha Shehi.
