Tifozët e Luftëtarit nuk e kanë kapërdirë dot turpërimin e skuadrës së tyre në Ligën e Europës përballë estonezëve të Ventspilsit, teksa u mundën 5-0.
Të gjithë golat u pësuan në pjesën e parë dhe ngjallën dyshime të mëdha.
Fundja, kur u dënuan kampionët në fuqi me 10 vite dhe një milionë euro pikërisht për trukime, asgjë nuk përjashtohet.
Disa tifozë kanë shpërthyer në rrjetet sociale dhe e kanë cilësuar si një ndeshje të shitur dhe kanë kritikuar edhe drejtuesit e klubit.
Disa të tjerë ia kanë vënë fajin trajnerit që nuk njeh skuadrën dhe presidentit Tavo që sipas tyre u nxitua kur hoqi Hasan Likën.
Përtej kësaj, humbja e Luftëtarit me 5 gola të pësuar që në pjesën e parë, la një shije të keqe.
Skuadra gjirokastrite vërtetë ishte debutuese dhe mund ta kish humbur takimin, por minimalisht mund të kishte luftuar pak më shumë për dinjitetin e vet dhe për qytetin që përfaqëson.
