Kryeministri Edi Rama dhe ministri i Turizmit, Blendi Klosi, raportojnë shifra të ekzaltuara duke bërë “orakullin”, sa i takon numrit të vizitorëve që pritet të kalojnë pushimet në Shqipëri këtë vit. Sipas tyre, do jenë jo pak, por plot 10 milionë turistë të cilët do vizitojnë Shqipëri, e dhënë ndryshe rreth 5 herë më shumë se popullsia që ndodhet brenda Shqipërisë.
Dhe jo pa qëllim me këto shifra të fryra ka plasur gallata në rrjetet sociale. Njëri prej tyre është Ylli Dylgjeri i cili njihet për ironitë dhe batutat.
Sot ai ka goditur sërish duke ironizuar shifrat e çuditshme të dhëna nga qeveria, se në këtë sezon turistik pritet që në Shqipëri të vijnë 10 milionë turistë.
Ironia e Dylgjerit:
‘Sezoni Turistik:
-Presim 10 milion turistë…
Me këtë fluks turistësh që priten të hyjnë këtë verë nga europa nuk na duhet fare të hyjmë edhe në Evropë! Po hyn Evropa te Ne’, ironizon Dylgjeri në profilin e tij në Facebook.