Mik i fortë dhe shuma të mëdha parash janë dy mënyrat më efikase për të punuar sot në profesion .Kështu janë shprehur kandidatë të ndryshëm në fushën e Mjekësisë të cilët plotësuan formularin online për një vend pune në fusha si: Infermjeri, Fizioterapi apo Logopedi. Të revoltuar dhe të pakënaqur nga këto mënyra vlersimi kandidatët janë shprehur se nuk janë vlersuar sic duhet dhe se portali nuk është i sakte .Pas verifikimeve të bëra emri i një kandidati rezultonte më shumë se një herë në listë i pozicionuar në vënde të ndryshmë me pikë të ndryshme. Ministria e Shëndetësisë në një deklaratë për mediat, bëri me dije dy ditë më parë se janë plot 1945 kandidatë që do të testohen, por mesa duket janë më pak se kaq, pasi emrat e kandidatëve përsëriten në të njëjtën listë, brenda të njëjtit qark. Kështu, është konstatuar se aplikanti Shqiponja Muharrem Ramadani (Haxhaj) rezulton në listën e kandidatëve infermierë për Qarkun Tiranë plot 5 herë, ku është pozicionuar në vendin e 187-të me 8.6 pikë, në vendin e 254 me 8 pikë, më tej me 7.9 pikë në vendin e 275-të, për të vijuar me vendin e 304-t me 7.5 pikë dhe së fundmi rezulton edhe në vendin e 464-t me 6.1 pikë në total. “Unë si dhe shumë të tjerë, nuk jam e kënaqur me vlerësimin, sepse doli që tabela e vlerësimit nuk është bërë ashtu siç thanë. Unë personalisht jam vlerësuar me 10.1 pikë, por mendoja se do të vlerësohesha më shumë pasi kam 7 vite punë pa ndërprerje dhe automatikisht vetëm nga kjo pjesë kam 7 pikë shprehet njëra ndër kandidatet .Rezultatet e larta dhe profesionalizmi nuk i motivon këta kandidatë në të tilla kushte punësimi sepse përmes kësaj skene të turpshme ata kanë kuptuar se mikut të fortë dhe lekut të madh si ka ikur ende vlera .
