Ish-ylli i Bayern Munich, Xabi Alonso është lojtari i radhës, pas Messit, Ronaldos e të tjerë që janë akuzuar nga Prokuroria e kryeqytetit iberik për evazion fiskal.
Prokuroria e Madridit ka kërkuar një dënim prej pesë vitesh burg për ish-mesfushorin e Real Madrid dhe Bayern Munich, Xabi Alonso. 36-vjeçari akuzohet për evazion fiskal, ku dyshohet të ketë fshehur dy milionë euro gjatë periudhës së viteve 2010 dhe 2012.
Për ish-yllin e Liverpool kërkohet edhe një gjobë prej 4 milionë eurosh, duke përfshirë edhe shumën e zbritur nga autoritetet e Tatimeve në Spanjë.
Lojtari ende nuk ka reaguar për rastin në fjalë, ndërsa Ronaldo para pak ditësh përgënjeshtroi median lidhur me paratë që kishte ofruar për të mbyllur çështjen e tij.
Madje portugezi ka dashur që të largohet nga La Liga pikërisht për këtë arsye, pasi ka mohuar të ketë fshehur paratë e fituara nga të drejtat e imazhit.
Ndërsa ka shprehur dëshirën të rikthehet në kampionatin anglez, aty ku sipas tij është respektuar dhe ka qenë korrekt me gjithçka dhe të gjithë.
