Ish-kryeministri Sali Berisha, përmes një postimi në “Facebook”, ka hedhur akuza të tjera ndaj Kryeministrit Edi Rama. Në një status në Facebook, Berisha ka postuar një foto të Ramës ku bie në sy veshja jo formale e kryeministrit, i cili u shfaq këtë të dielë në Durrës me tuta.
Sipas ish-kryeministrit arsyeja e vërtetë se përse Rama mban tuta, është fakti se vuan nga një sëmundje që në gjuhën latine njihet si “Inkontinentia”, e cila nënkupton paaftësinë e një njeriu për të mbajtur apo frenuar sekrecionet e trupit, veçanërisht urinën dhe jashtëqitjen.
Berisha i shton dozat e akuzës, duke shkruar në rrjetin social se “Ramës i duhen poturet për ti përdorur si pampers, pasi vuan nga “Inkontinentia cocainica”, duke nënkuptuar se përdorimi i tepërt i kokainës ka degraduar fiziologjinë dhe trupin e kryeministrit Rama.
