Sipas parashikimit të IGJEUM-it pasditen e sotme dhe ditën e nesërme priten reshje në të gjitha qarqet.
Në të gjithë vendin do të ketë reshje të dendura dhe të shoqëruara me shtrëngata.
Qarqet më të rrezikuara ku priten reshje shumë intensive, janë qarku i Dibrës dhe Tiranës.
Gjithashtu nga llogaritjet hidreologjike të IGJEU-it, rezultojnë se lumenjtë Drin, Buna dhe Liqeni i Shkodrës do të kenë prurje dhe nivele të larta, duke rrezikuar zonat përreth.
Përgjatë datave 20,21 dhe 22 mars pritet zgjerim i hartës së përmbytjeve në pjesën e Nën Shkodrës dhe përmbytjes të zonave periferike të qytetit të Shkodrës, në afërsi të Liqenit.
Në pjesën tjetër të territorit përgjatë ditëve në vazhdim parashikohet rritje e ndjeshme e prurjeve duke rritur rrezikun nga përmbytjet në gjithë pjesët fushore të lumenjve.
