Në afërsi të bregut lindor të Kinës, janë përplasur dy anije. Njëra nga anijet ishte një cisternë me naftë dhe tjetra ishte një anije transportuese. Nga kjo përplasje rezultojnë më shumë e 32 persona të zhdukur.
Sipas mediave vendase raportohet se shumica prej personave të zhdukur janë iranianë.
Ministria e transportit e Kinës ka njoftuar sot se ekuipazhi prej 30 iranianëve dhe dy shtetasve të Bangladeshit, konsiderohen të zhdukur.
Anija e gjatë 274 metra, me emrin ‘Sanchi’, pas përplasjes është përfshirë nga zjarri. Në anije gjendeshin 136 tonelata të kondenzatit, një lloj i naftës së papërpunuar iraniane, që është ekuivalent i afro 1 milion fuqive, me vlerë prej 60 milionë dollarëve, njofton rel.
Ministria e transportit e Kinës tha se të 21 anëtarët kinezë të ekuipazhit të anijes transportuese janë shpëtuar. Në këtë anije, me flamur të Hong-Kongut, e cila është dëmtuar, gjendeshin 64 tonelata grurë.
Autoritetet thanë se operacionin e shpëtimit po e vështirëson moti i keq dhe retë e tymit, që po dalin nga anija-cisternë.
