Gjykata e Tiranës ka vendosur që të thellohen hetimet nga prokuroria në lidhje me skandalin e tenderëve të byzylykëve, të denoncuar disa muaj me parë nga ish-ministri i drejtësisë, Gamzend Bardhi ndaj ish-paraardhësve të tij.
Nën akuzë ka qënë fillimisht tenderi i cili ishte fituar nga kompania Soft Solution, e cila në atë kohë u akuzua si kompania e ish-drejtorit të hipotekave, Ermal Beqiri. Ky i fundit një nga ekspertët që hodhën posjhtë në gjykatën e lartë videon Meta-Prifti.
Kujtojmë këtu se 82 byzylykë rezultojnë të dëmtuar nga 300 prej tyre ndërsa aktualisht 79 persona janë me mbikëqyrje elektronike.
Tenderi ka kushtuar rreth 2 milionë euro ndërsa asnjë prej byzylykëve të dëmtuar nuk është rikthyer pranë ministrisë së drejtësisë nga kompanitë private. Për këtë rast pritet dhe një hetim i detajuar i organit të akuzës për të parë nëse pajisjet e mbikëqyrjes elektronike janë dëmtuar nga të pandehurit dhe nëse vënia e tyre në funksion sërish është ose jo detyrë e kompanive private.
