Në këtë reportazh theksohet edhe kontributi që jep Guardia Di Finanzia për luftën kundër narkotikëve në Shqipëri.
Pjesë e kësaj kronike është bërë edhe kryeministri i Shqipërisë Edi Rama i cili në prononcimin e tij ka deklaruar se tani jemi në fazën e dytë të aksionit, duke i shkuar pas të gjithë të fortëve, për të sekuestruar pronat e tyre të paluajtshme dhe asetet financiare.
Lidhur me grupet kriminale të cilat merren me kultivimin e kanabisit Rama u shpreh: “Bandat e kanabisit janë grupe të sofistikuara dhe nuk ka një Komision Evropian që t’i kontrollojë.
Ata kanë fuqi të madhe. Ata janë shumë të organizuar, nuk kanë burokraci, nuk kanë një “Komision Evropian” që i kontrollon, që duhet të marrë vendime. Janë të shpejtë, të sofistikuar, kanë një fuqi të madhe mbi njerëzit e varfër, mbi njerëzit e margjinalizuar dhe ne duhet të luftojmë të gjithë së bashku”.
Gjatë këtij reportazhi theksohet fakti se trafikuesit e kanabisit nga Shqipëria kanë lidhje shumë të fuqishme nga ana tjetër e Adriatikut, për të cilët Kryeministri Rama shprehet: “Është le të themi një shkollë të cilën këta individë e kanë bërë në Itali, janë djem të rinj që kanë kaluar nga Italia, në zonën e jugut. Jeta e emigrimit illegal, i ka bërë që të mësojnë shumë gjëra dhe të jenë pjesë e grupeve kriminale si Ndragheta, Camorra dhe pastaj e kanë ndarë punën, një pjesë është andej, një pjesë këtej. Pjesa andej realizon lidhjet me bosët e mëdhenj, këta këtu bëjnë punën e pisët dhe e nisin andej. Le të themi që është një filial i universitetit të ilegalitetit në Italinë e Jugut”.
Ndër të tjera Kryeministri siguron se qeveria e tij ka një fond të posaçëm që financon ndërhyrje policore të këtij lloji.
