Federata Ruse ka nisur një “maratonë elektorale” 3-ditore, e quajtur “dita e vetme e votimit”. Në 20 rajone zgjidhen guvernatorët, në 11 rajone parlamentet lokale, ndërsa në 25 qytete këshillat bashkiakë.
Nga Leningradi në Perëndim deri në Kamçatka në Lindjen e Largët, qendrat e votimit hapen nën tinguj këngësh folklorike, me personazhe të maskuar dhe që duke shpërndarë ushqime.
Në vitin e 26-të të sundimit të Vladimir Putinit, procesi zgjedhor duket i orkestruar deri në detaj. Sipas kryetares së Komisionit Qendror Zgjedhor, Ella Pamfilova, janë regjistruar vetëm 228 shkelje, kryesisht telefonata me alarme të rreme për bomba.
Por monitoruesit e pavarur raportojnë për dhunë ndaj vëzhguesve, arrestime të të rinjve me pankarta kundër guvernatorëve dhe ndalime policore ndaj kandidatëve të opozitës. Në Tomsk, qytet simbol i opozitës së Navalny-t, kandidati komunist Igor Nuzhny është mbajtur tre orë në polici vetëm pse kishte një ngjitës me mesazh elektoral në makinën e tij.
Opozita jashtë loje, Kremlini zgjedh fituesit
Kandidatët kundër Putinit ose luftës në Ukrainë nuk lejohen të garojnë. Fituesit përcaktohen paraprakisht në Kremlin, ndërsa ekzistojnë rëndom fletë shtesë në kuti, votues fantazmë në lista, presione ndaj studentëve dhe nëpunësve.
Komunistët janë të vetmit që guxojnë të protestojnë…
Frekuentimi i kutive të votimit i ka kaluar kurrë 50%. Në Irkutsk, ku pritej një garë e vërtetë, fitorja e bindshme e besnikut të Putinit, Igor Kobzev, e bëri pjesëmarrjen të binte nën 20%. Kremlini prej kohësh nuk stimulon pjesëmarrjen, për të mos rrezikuar një valë votash kundër.
Udhëheqësit e partive të regjimit nuk e përmendën fare fushatën: Zyuganov, Medvedev, Mironov dhe Nechaev preferuan të flisnin për emigrantët, duke propozuar madje krijimin e njësive speciale me ushtarë të kthyer nga Ukraina.
Veteranët e luftës, “elita e re” e Putinit
Protagonistët e vërtetë të këtyre zgjedhjeve janë veteranët e “operacionit special” në Ukrainë. Janë 1 616 kandidatë ushtarakë të kthyer nga fronti, nga vetëm 495 vitin e kaluar.
Kremlini i quan “elita e re e Rusisë” dhe ka krijuar programin special “Koha e heronjve” për t’i futur në politikë. Në rajone si Buriazia dhe Tyva, ku u rekrutuan më shumë trupa për luftë, përqindja e veteranëve në lista arrin deri në 10%.
Teksa ata paraqiten si elitë, ka gazetarë që kanë zbuluar se disa prej tyre janë autorë të masakrave të civilëve në Bucha, të ekzekutimeve të të burgosurve në Berdyansk dhe të bombardimeve mbi qytete si Sumy e Dnipro.
