Një tregtar turko-iranian ka deklaruar para një gjykate amerikane se presidenti turk Rexhep Tajip Erdogan aprovoi personalisht marrëveshjet për pastrimin e parave të Iranit, pavarësisht kundër sanksioneve të SHBA-së
34 vjeçari,Reza Zarrab, është një dëshmitar kyç në gjyqin penal të një bankieri turk, i cili dyshohet se ka punuar për të ndihmuar Iranin të pastrojë paratë.
Erdogan ka mohuar se Turqia ka shkelur sanksionet e Shteteve të Bashkuara kundër Iranit, por akuzat kanë tensionuar marrëdhëniet midis Ankarasë dhe Uashingtonit.
Në dëshminë e tij, zoti Zarrab implikoi Erdoganin në një skemë ndërkombëtare të pastrimit të parave në bashkëpunim me bankierin Mehmet Hakan Atilla.
Skandali ndodhi nga viti 2010 deri në vitin 2015 dhe lejoi Iranin të hynte në tregjet ndërkombëtare pavarësisht sanksioneve të SHBA-ja.
Zareb deklaroi para gjykatës amerikane se në vitin 2012 ministri i Ekonomisë së Erdoganit, i cili ishte kryeministër në atë kohë, i kishte udhëzuar bankat turke që të merrnin pjesë në skemën miliona dollarësh.
Ndërkohë Presidenti Erdogan deklaroi të enjten se Turqia nuk ka shkelur sanksionet e Shteteve të Bashkuara kundër Iranit. Qeveria e tij i ka përshkruar akuzat si “një komplot kundër Turqisë”.
Zarrab u arrestua nga zyrtarët amerikanë në vitin 2016 dhe u akuzua për qindra milionë dollarë transaksione në emër të qeverisë iraniane, pastrim parash dhe mashtrim.
Por ai vendosi të bashkëpunojë me prokurorët dhe tani është dëshmitar kyc në gjyqin e Nju Jorkut.
