Pas ceremonise per ngritjen e flamurit, kryeministri Edi Rama ka shpallur nga Vlora logon zyrtare të Vitit të Skënderbeut.
“Në Vlorë ne jemi në këtë ceremoni modeste për të çelur vitin e Skendërbeut nën patronazhin e dy presidentëve, Metës dhe Thaçit. Jo më kot vendimi i parë i qeverisë ishte shpallja e vitit të Skenderbeut. Se pas 550 vitesh nga vdekja e tij ai shfaqet si simbol i një lufte të pathyeshme për liri, si strategu i artit luftarak që prej 550 vitesh ka frymëzuar mbarë kombin. Shqiptarët e patën një figurë që shënjoi ardhmërinë si komb”- tha Rama. Ai ka numëruar marrëveshjet mes dy qeverive, asaj të Shqipërisë dhe të Kosovës.
Rama ka folur edhe për projektin e bashkimit në kuadër të anëtarësimit në BE. “Sa për ëndrrën tonë të bashkimit në Bashkimin Evropian, politikëbërja mbi realitetin dhe jo emocionet, si e vetmja rrugë”- tha ai.
Rama ka kujtuar fjalët e Isa Boletinit për rrugën e mesme dhe theksoi se “sot një shekull pas Boletinit, kështu mund të vazhdohet të përshkruhet ajo që shihet si përpjekje e përbashkët evropiane, edhe qëndrimi i bazuar mbi arsye i diplomacisë sonë, si projekt përbashkues i një populli jo të fragmentuar dhe të një Ballkani jo të fragmentuar, në një terren të kultivuar mes bashkëjetesës jo vetëm paqësore, por edhe me frute të përbashkëta në rrugën e hapur të anëtarësimit në familjen evropian. Modeli shqiptar është mburojë dhe udhërrefyes për të gjithë ne dhe patjetër arsye për tu krenuar dhe për te qenë të vëmendshëm se larmia e bashkëjetesës kultivohet edhe në brazat e rinj”.
Ne fund Rama e ka mbyllur fjalen me nje mesazh te rendesishem: Gjithçka thashë e do të bëhet në këtë vit të Skënderbeut nuk është tundim për tu kthyer në të shkuarën, e as për ti rënë daulleve të së shkuarës, por shprehje e një vetëdije se sot para shqiptarëve është çelur një perspektivë e re dhe ne kemi detyrimin që sa kohë e kemi këtë privilegj që të mund të bëjmë si drejtues institucionesh, qeverish dhe shtetesh atë që con një hap më tutje drejt realizimit të kësaj perspektive, që është shqiptarët e bashkuar në bashkimin evropian.
 
