Kryetari i PD-së Lulzim Basha doli në një komunikim të drejtëpërdrejtë me gazetarët për të denoncuar atë që e quajti aferë korruptive dhe kriminale me inceneratorët e mbetjeve.
Basha:”Denoncojmë një aferë të tmerrshme kriminale. Sektori i plehrave dhe i mbetjeve është sektor ku EdI Rama do të lërë dorë të lirë kriminelëvve. Po ecën me strategjinë e inceneratorëve,që është shkatërruese për vendin. Rama po kthen Shqipërinë në kazan plehrash.”
Basha tha se pas inceneratorëve të Fierit, Elbasanit dhe Tiranës fshihet Arben Ahmetaj dhe Edi Rama.
Basha: Momentalisht është ai i Fierit, Elbasanit dhe Tiranës. Të trija kontrollohen nga i nëjti person që shërben si figurim për të fshehur pronarët e vërtetë. Pronarët e vërtetë janë Arben Ahmetaj dhe Edi Rama.
Vetëm ata mund ti jepnin 4.8 mln euro ndërtuesit të inceneratorit të Fierit pa nisur punë.
Nga 11 milionë euro që është buxheti i vitit për mbetjet, 10 milionë i marrin vetëm këta të tre, Fieri, Tirana dhe Elbasan. Bëhet fjalë për 400 milionë euro që do të paguhen nga shqiptarët për ndërtimin e inceneratorëve në 20 vjet.
Basha i bën thirrje KLSH-së dhe prokurorisë të hetojnë.
Basha: “Kjo është aferë kriminale dhe mafioze. KLSH e Prokuroria të nisin menjëherë hetimin për të zbuluar këtë aferë që zhvat shqiptarët.”
