Apeli lë në burg gjyqtarin, Shkëlqim Miri në spital prej 4 ditësh, probleme shëndetësore

Gjykata e Apelit e Krimeve të Rënda ka lënë në fuqi masën e sigurisë ‘arrest me burg’ për gjyqtarin e pezulluar Shkëlqim Miri. Mësohet se gjyqtari është shtruar në spitalin e burgut prej katër ditësh për shkak të disa problemeve shëndetësore.

Ai akuzohet për korrupsion pasiv dhe do të qëndrojë në burg deri në përfundim të hetimeve. Gjykatësi Shkëlqim Miri ka marrë 20 mijë Euro për të lënë në fuqi vendimin e Gjykatës së Matit që në 20 shtator rikualifikoi veprën penale për të dënuarin Gentian Doda nga vrasje në paramendim në plagosje të rëndë me dashje duke e dënuar me 8 vite burg nga 20 që ishte vendimi i parë.

LEXO EDHE  Moti i keq/ Serat e sapombjella dëmtohen nga ngricat

Mbrojtja e gjyqtarit kërkoi lirimin e Shkëlqim Mirit, duke pretenduar se një pjesë e shumës prej 34 milionë Lekë që ju gjetën në banesë, i përkasin një të afërmi të tij kurse pjesa tjetër do të përdorej për kurimin e gjyqtarit pasi vuan nga probleme shëndetësore.