Debati ndërmjet kreut të opozitës dhe Kryeministrit Lulzim Basha në Kuvend nuk ka reshtuar që nga nisja e seancës ku pritet votimi i projektbuxhetit i vitit 2018 e ndërsa Basha u ka bërë thirrje deputetëve “Ngrihuni kundër këtij Buxheti të krimit”, Rama u ngrit vetë nga foltorja duke i thënë Bashës:
“Nuk doja të ngrihesha, por dëgjova që the “Ngrihuni” dhe m’u kujtua sa shumë i thërrisje që të ngriheshin aty poshtë dritares sime kur ishe në Çadër dhe pastaj erdhe u ule me mua. Prapë do të vish të ulesh me mua! Dhe unë të pres!”
DEBATI:
Basha: “Po i marrim si rastësi të gjitha për Tahirin. Është rastësi që në makinën ku gjenden dy patentat e Tahirit gjenden edhe 856 mijë euro? Në makinën e biznesmenit që po ndërton komisariatin? 856 mijë euro që s’i tërhoqën dot janë thërrime. E këto nuk janë shpifje të miat, por shifra të sakta të policisë gjermane, holandeze, Europolit.Nuk je në gjendje të shikosh shifrat e GdF? Është kapur drogë për 5 vjet. Ndaj thirrja ime është të ndalim me çdo kusht këtë buxhet të krimit.
Rama: Nuk doja të ngrihesha, por dëgjova që the “Ngrihuni” dhe m’u kujtua sa shumë i thërrisje që të ngriheshin aty poshtë dritares sime kur ishe në Çadër dhe pastaj erdhe u ule me mua. Prapë do të vish të ulesh me mua! Dhe unë të pres! Jo se është dita Ndërkombëtare e Tolerancës, por vetëm se nga e ulura jote, e imja, jona, e të gjithëve këtu, mund të bëhet më mirë për këtë vend e këta njerëz!
The “Policia italiane, gjermane…”Janë të tërë në Ministrinë e Brendshme, Lul, punojnë me ne. Dhe një polici tjetër, FBI, që nuk e di pse e harrove. Punojnë me ne në fazën e një lufte që nuk e di pse harrove.
Pse harrove 900 ton që u kapën në Lazarat e prodhoheshin çdo vit, pse nuk u kapën dot? Pikërisht se ishte lufte dhe jo shëtitje për të kositur barin, pati fitoret e veta, dështimet e veta. Po sot, si ka mundësi që nuk gëzohesh që raporti i GdF i duartrokitur edhe në Bruksel, edhe në selinë e PPE, ju hidhëron. Pse ju hidhëron?!
Ju duhet të ktheheni tek pikënisja, pse jeni bashkë, kush janë vizionet tuaa. Ju i thoni vetes “jemi të djathtë” sepse doni … Djathë! Djathi po mbaron…
Kur thua “Ngrihuni”, kujtoje Çadrën. Dhe kujtoje sesi mbaroi dhe, herët ose vonë, do të ulesh prapë dhe ata nuk do të ngrihen. Sepse ata nuk janë budallenj. Dhe kush i bën për budallenj, i ngre pastaj në ditën e duhur, atëherë kur ata thirren për të vënë kufirin. Dhe nga katër vite më parë në sot, unë që ju kisha dhe ju kam aty, shoh se kufiri ju ka ardhur afër dhe pas katër vitesh, edhe më afër, që do të thotë që të jeni më pak këtu. Ndaj merru me Buxhetin dhe na thuaj çfarë vizioni ka PD-ja për rritjen ekonomike. Ne duam ta çojmë mbi 4%. Ju mbase doni ta çoni mbi 14%. Ec e na thuaj si.
