Një vajzë 20 vjeçare ka bërë ditën e sotme një denoncim në polici, pasi sipas saj një 23 vjeçar për një kohë të gjatë e ka përndjekur. Pas denoncimit policia ka arrestuar shtetasin L.L. 23 vjeç, i cili ka qenë i dënuar më parë për vjedhje.
Njoftimi nga policia
Në periudha të ndryshme kohore përndiqte një shtetase, kapet dhe ndalohet nga policia 23-vjeçari. Nga Specialistët për Hetimin e Krimit në Komisariatin e Policisë Dibër, u kap dhe u ndalua shtetasi i shpallur në kërkim policor: L.L, 23 vjeç, banues në Bulqizë ( i dënuar më parë për vjedhje).
Kapja dhe ndalimi i tij u bë pasi më datë 30.10.2017 , në Komisariatin e Policisë Dibër, është paraqitur dhe ka bërë kallëzim shtetasja B.K, 20 vjeçe, banuese në Dibër, e cila ka deklaruar se është përndjekur në periudha të ndryshme kohore, nga shtetasi L.L. Materialet hetimore i kaluan Prokurorisë së Rrethit Gjyqësor Dibër për veprën penale “Përndjekja”, e parashikuar nga neni 121/a , i Kodit Penal.
