Gruaja e cila u paraqit në spitalin e Lezhës me të djegura dhe në gjendje të rëndë, i vuri flakën vetes dhe ishte me sëmundje nervore. Ky është rezultati hetimeve paraprake të Policisë së Lezhës.
Rreth orës 13:30 në Sallën Operative ka ardhur një telefonatë se një shtetase në fshatin Tresh-Lezhë është djegur në trup e cila po transportohet për në Spitalin Rajonal Lezhë, njofton Policia.
Në vendngjarje ka shkuar grupi hetimor ku ka rezultuar se: Shtetasja B.P, rreth 45 vjeçe, e sëmurë mendore, dyshohet se në një ambient ngjitur me banesën ka lyer trupin me benzinë dhe i ka vënë flaken vetes.
Shtetasja B.P, para se ti vinte flakën vetes i ka telefonuar kunatës por si ka folur duke e lënë telefonin hapur dhe menjëherë i ka vënë flakën vetes. Kunata e shtetases B.P, ka bërë të mundur fikjen e flakëve, por shtetasja B.P kishte pësuar djegie të rënda në trup.
Pas ndihmës së parë mjekësore të dhënë në Spitalin e Lezhës,shtetasja B.P, është transportuar për në Tiranë për ndihmë mjekësore më të specializuar.
Shtetasja B.P vuan prej kohësh nga sëmundje mendore, kjo e pasqyruar edhe në kartelën mjekësore. Para disa vitesh ajo ka tentuar për të helmuar veten.
Ndërkohë, grupi hetimor po vijon punën për zbardhjen e plotë të rrethanave të ngjarjes, shton Policia.
