Ristrukturimi i kabinetit qeveritar ka lanë pa post ministror, jo pak por 6 ministra të cilët mbyllën mandatin e parë qeverisës.
Mimi Kodheli nuk do të drejtojë më Ministrinë e Mbrojtjes dhe për të cilën, Rama tha se do të ketë një post të rëndësishëm në grupin parlamentar.
Pas saj janë edhe katër zonja të tjera si dhe Eduard Shalsi.
Ministrat që mbeten pa post
Mimi Kodheli– ish ministre e Mbrojtjes
Milva Ekonomi– ish ministre e Ekonomisë
Eglantina Gjermeni– ish ministre e Zhvillimit Urban
Milena Harito – ish ministre e Shtetit për Inovacionit
Ermonela Felaj – ish ministre e Shtetit për marrëdhëniet me Parlamentin
Eduard Shalsi – ish ministër Shteti për Çështjet vendore
Ajo që ra në sy ishte edhe eleminimi i Saimir Tahirit, ish Ministrit të Brendshëm dhe kryetarit të PS së Tiranës. Tahiri është përfolur nga opozita për lidhje me botën e krimit.
Tahiri pretendonte postin e Ministrit të Drejtësisë, por raportet negative të ndërkombëtarëve duket se i kanë vendosur kusht kryesor Ramës, që të mos marrë asnjë post ministri.
Ndërkohë, Tahiri ka reaguar duke ju shprehur suksese kolegëve të tij. Nëpërmjet një postimin në facebook ai shkruan: “Suksese kolegeve. Rruge e gjate përpara”.
Në kabinetin qeveritar ndjehet edhe mungesa e Bled Çuçit, për të cilin Rama ka një raport të veçantë me të.
