Presidenti Ilir Meta pas betimit në Kuvend ka mbërritur në Presidencë ku u zhvillua ceremonia dhe takimi i kortezisë me ish-Presidentin Bujar Nishani.
Në këtë ceremoni të pranishëm kanë qenë figura publike, deputetë nga Kuvendi dhe familja e Metës.
Nga familja e tij është vënë re vajza e vogël Era, vajza e madhe Bora, djali dhe bashkëshortja Monika Kyemadhi.
Një detaj i veçantë që është vënë re në këtë ceremoni kanë qenë dhe miqtë e fëmijëve të presidentit.
Vajza e vogël Era kishte ftuar tre shoqe dhe një shok.
Ndërsa surprizë ishte dhe prania e djalit të ish-deputetit të ndjerë Sokol Olldashi, shkruan DITA.
Glauk Olldashi është shok fëmijërie me djalin e Ilir Metës, Besartin.
Burime për DITA bëjnë me dije se Glauku dhe Besarti janë shokë të ngushtë, dhe ka qenë ky i fundit që e ka bërë pjesë të ceremonisë.
