E majta në Shkodër ka sot dy fytyra jo të panjohura që kërkojnë të rrëmbejnë vota në 25 Qershor me makinacione dhe për këtë djemtë e Kristaq Ramës janë hedhur në aksion. Njëri, i madhi (Edi) ka vënë në ballë të punës djalin e xhelatit të Shkodrës Sul Bushati, Ditmirin.
Tjetri i vogli (Olsi), emigranti i cili la Amerikën për Shqipërinë është rreshtuar në krah të një tjetri famoz në Shkodër, Tom Doshit. SYRI.net ka siguruar dëshminë me foto, sesi Olsi Rama që prej nisjes së fushatës është ngujuar në Shkodër dhe organizon aksionin okult për blerjen e votave në Rrethina të Shkodrës dhe në Pukë.
Fotoja që kemi siguruar, i takon momentit kur Olsi Rama dhe Tomë Doshi, janë në pushim dreke pas aksionit të paraditës së blerjes së votave, një ditë pasi policia e Shkodrës arrestoi Pjetër Prendi, i cili blente vota për partinë e Tom Doshit, dhe Tom Doshi që “nuk e pranon” kurrësesi një fenomen të tillë, e denoncoi në polici. Estrada e Shkodrës duket se ka gjetur staf të ri, dhe duhet thënë që kllounët politik të Edi Ramës kanë humor.
Një tjetër humor shkodret, mund të quhen pa frikë edhe deklaratat e Ditmirit të Sul Bushatit i cili në shkodranishte gjoja i kërkon shkodranëve të mos votojnë PSD-në e Tom Doshit, por vetëm PS-në e Edi Ramës.
Në mbyllje të siparit të kësaj estrade, mund të themi se Shkodra qartazi e ka vendosur të jetë përgjithmonë tmerri elektoral i Edi Ramës dhe makinacionet e tij me buratinë politik, nuk pritet veçse të marrë një tjetër përgjigje për të 6-ën herë, ashtu si në 2007-ën, si në 2009-ën, si në 2011-ën, si në 2013-ën, si në 2015-ën, dhe e 6-ta e vërteta…, në 25 Qershor të 2017-ës. /syri.net
