Gjatë një interviste me një grup gazetarësh kreu i LIBRA-s Ben Blushi ka folur mbi situatën politike në vend.
LIBRA, sipas tij, do të jetë dhe është parti e njerëzve të zakonshëm. Është bërë e pamundur të futesh në parlament nëse nuk je i pasur.
“Nuk kam gjetur asnjë njeri në listat e PS që nuk ka qenë në administratë. Kandidojnë ata që kanë kaluar shumë para nëpër duar. LIBRA i ka të thjeshtë. Ka mundësi të kemi numrin më të lartë të studentëve. Një student mund të bëjë më mirë punën se 90% e deputetëve në parlament”, tha Blushi.
Për sa i përket fushatës kreu i LIBRA-s njoftoi se nuk ka paguar kuotën televizive për t’i paraqitur kandidatët e saj nëpërmjet mediave. Ata do të jenë çdo ditë Live Stream në Facebook.
