Marokenët, shqiptarët dhe turqit mbeten marrësit kryesorë të nënshtetësive europiane, bën me dije Eurostat në një raport të dalë sot. Në vitin 2015, sipas raportit, 840 mijë persona kërkuan pasaportën e një shteti anëtar të BE; një ulje nga 890 mijë një vit më parë, dhe 980 mijë vetë në vitin 2013.
98 përqind e atyre që kërkojnë nënshtetësi të një vendi të BE janë qytetarë të vendeve jashtë Unionit. Marokenët vijnë të parët në atë listë me 86,100 pasaporta, ndërsa shqiptarët janë të dytët me 48,400 nënshtetësi të huaja (96 përqind e tyre kërkuan një pasaportë italiane dhe greke).
Turqit vijnë të tretët me 35 mijë nënshtetësi dhe 56 përqind e tyre kanë kërkuar të shndërrohen në gjermanë.
Marokenët, shqiptarët, turqit, indianët, rumunët, pakistanezët dhe algjerianët përfaqësojnë 33 përqind të numrit total të personave që morën një nënshtetësi të një vendi të BE në vitin 2015.
