Ish-kryeministri, Sali Berisha premton se “do t’i japin duart” Edi Ramës që në vend të ketë zgjedhje të lira dhe të ndershme në mënyrë që vendi të mos qeveriset më nga njerëz të lidhur me krimin dhe korrupsionin.
“Në po bëjmë gjithçka që ju të votoni të lirë dhe në zgjedhje të ndershme. Jemi këtu t’i japim mesazh botës se Rama është një Kelmend Balil, një Eskobar…T’u japim mesazh partnerëve amerikanë dhe diasporës që Rama është një diktator, si ai i Panamësë…I bëj thirrje Ramës t’i thërrasë mendjes…dhe t’i hapë rrugë zgjidhjes qytetare”, tha Berisha për mikrofonët e medias.
Berisha u bëri thirrje gjithashtu edhe emigrantëve që të nisin edhe ata protestat pranë ambasadave shqiptare në botë.
“Thirrja ime për diasporën, të marrin masat të organizojnë protesta pranë qeverive kudo jetojnë, pranë ambasadave shqiptare. Kjo është rruga e solidarizimit”. Zgjedhjet e qershorit me Ramën s’mund të ketë. Duhet të kuptojë çdo shqiptar, vijoi Berisha.
Pyetje: Nëse në zgjedhjet e qershorit rikonfirmohet PS, do i njihni?
Berisha: Zgjedhje me Edi Ramën më 18 Qershor s’mund të ketë. Këtë duhet ta kuptojë cdo shqiptar…4 muaj para zgjedhjeve nuk proteston kurrë një forcë nëse nuk e konsideron jetike protestën…Ishte gjysmë milioni shqiptar që erdhën në këtë mision të madh dje…Me kultin e krimit s’ka zgjedhje.
Berisha: Nëse Rama nuk pranon kushtin, PD-ja do e imponojë ta pranojë me një këmbë.
Pyetje: Si do e bëni?
Berisha: Mosbindja civile ka 52 forca demokratike të saj. Kjo është vetëm njëra. Do zgjedhim gjithësecilën për t’I treguar vendin atij…Rama mos provoko! Kaq!