Librazhdi ishte një nga qytetet që nën qeverisjen e majtë ju nënshtruar një ndryshimi drastik në infrastrukturë. Me projektin e ri që rilindasit zbatuan, qytetit ju fshi totalisht autenciteti duke u prerë pemë dhe duke u betonizuar e gjithë qendra e qytetit. Punimet kanë afërsisht 4 vjet që kanë nisur dhe ende nuk kanë përfunduar pasi hera herës në pah dalin defekte që janë bërë gjatë punimeve amatoreske. Por një foto e ardhur në redaksinë e Syri.net nxjerr zbuluar fasadën e kallangjosur që rilindja ka realizuar në Librazhd.
Teksa kanë lyer e zbukuruar faqet e jashtme të pallateve përreth qendrës së qytetit, firma kontraktuese për zbatimin e punimeve, një firmë në pronësi të Panajot Koranit, sponsor i Taulant Ballës në fushatë, ka kursyer bojën për faqet e mureve nga brenda pallateve duke i lënë si në mesjetë hyrjet e brendshme të pallateve.
Në foto tregohet qartë se si banorët e këtyre pallate përballen çdo ditë me dy realiteti të ndryshme, me dy pamje, me dy ambiente që ndryshojnë si nata me ditën. Nga jashtë të lyera ndërsa nga brenda të degraduara deri në atë pikë saqë banorët detyrohen të jetojnë mes minjve, ujërave të zeza e gjithë çfarë pisllëku tjetër që ndodhet përreth.
