Ish-kryeministri, Sali Berisha nga foltorja e Kuvendit bëri akuza të forta drejt vëllait të Edi Ramës, si person i përfshirë direkt në trafikun e kokainës dhe në bandën e Xibrakës.
“Edi Rama ka një vëlla, Olsi Rama, qytetar shqiptar e amerikan, kur denoncova se u kthye për afera e trafiqe, asnjë prej jush nuk i besoi, por e vërteta është kjo. Olsi Rama, këtu kam me data me foto e çdo gjë, të Olsi Ramës, por me cfarë thoni ju, me makinën e kreut të grupit të kokainës, së bashku me një ndrikull që punon diku në Federatën Shqiptare të Futbollit, një Jona, Jona, a si quhet. Kjo makinë është gjetur nga prokuroria e shtetit si e përshtatur me vende të fshehta për transport kokainë. Kush të dojë i ka këtu të gjitha hyrjet e daljet e vëllait të kryeministrit, ndikullës dervishi dhe makinës së drogës të Genti Gjonajt” tha Berisha ndër të tjera, duke thënë se Rama është i lidhur me botën e krimit.