Gjykata e faktit në Tiranë shpalli sot të pafajshëm dhe pushoi gjykimin për ish-Drejtorin e Tatimeve Tiranë Androkli Kokthi, pasi sipas togave të zeza fakti nuk ekziston.
Kokthi akuzohej për shpërdorim detyre në bazë të nenit 248 të Kodit Penal, pasi në muajin korrik 2014 kishte lidhur një Akt Marrëveshje për likujdimin me këste të detyrimeve të prapambetura me shoqerinë “Fullpet”. Prokuroria kërkoi dënimin me 3 vjet heqje lirie, por gjykata e shpalli akuzën të pambështetur në ligj.
Kujtojmë se zoti Kokthi u arrestua në 18 shkurt 2016 përsëri për shpërdorim detyre, për disa mallra të konfiskuara, që më pas i ishin kthyer subjektit. Kjo akuzë nuk arriti të vërtetohej.
Zoti Androkli Kokthi njihej në mjediset fiskale nga njëra anë për arrogancen, por nga ana tjetër edhe për profesionalizmin e tij.
Gjithashtu ai njihej për konfliktet dhe mosdakortësinë e tij te vazhdueshme me ish-Drejtoreshen e Tatimeve, Brisida Shehaj.
