Kur menduam se ritmi i koncesioneve kishte rënë, vjen edhe procedura e radhës ku janë të paktën 6 porte që do të kalojnë tek privatët me partneritet publik privat.
Në fakt nuk janë portet si objekte por shërbimet detare që ofrohen në këto porte që do të jepen nga kompania që do të fitojë edhe tenderin e hapur nga Ministria e Transportit dhe Infrastrukturës.
Subjekti privat duhet të bëjë ofertën e tij lidhur ne investimet që mund të kryhen në porte për të zgjeruar kapacitetet e imbarkimit apo ankorimit dhe ndërkohë që në kthim do të marrë tarifën që paguhet për këtë shërbim.
Në dokumentet e tenderit jepen edhe detajet. ”Të katër portet shtetërore në vend (Durrës, Vlorë, Shëngjin dhe Sarandë) kryejnë një vëllim mesatar vjetore të ngarkim-shkarkimit në rreth 3 milion ton, ndërsa presin rreth 1.4 milionë pasagjerë në vit”, vlerëson ministria.
Nga ana tjetër pjesë e kontratës do të jenë edhe dy porte të ai i Porto Romanos dhe La Petrolifera në Vlorë. Objekti i kontratës është financimi, rehabilitimi, operimi, mirëmbajtja dhe transferimit te se drejtës se operimit dhe pronësisë e shërbimit te anijeve detare kurse afati i këtij koncesioni është 5 vjet apo 60 muaj.