400 kilogramë marijuanë u bllokuan në afërsi të Artës, në Greqinë Veriore. Sipas policisë greke droga ndodhej e ngarkuar në dy automjete dhe shoferi i arrestuar është nga Shqipëria.
Raportohet se lënda narkotike ishte futur nga kufiri shqiptar përmes rrjeteve të trafikut dhe kishte si destinacion Athinën.
2017-ta ka nisur me bllokimin prej policisë greke të sasive të mëdha të marijuanës me prejardhje nga Shqipëria në zonat fqinje me Shqipërinë.
Ndonëse këto zona janë përfshirë ditët e fundit nga reshjet e mëdha të dëborës, trafikantët e narkotikëve, sipas policisë greke, kanë shtuar aktivitetin, raporton VOA.