Ish-Kryeministri Sali Berisha ka folur për ngjarjen e 21 Janarit dhe vdekjen e gazetarit Andrea Stefani.
I ftuar në këtë studio “Top Story”, Berisha u shpreh se ndjen keqardhje për vrasjen e protestuesve, por këtë ia faturoi Edi Ramës, në atë kohë kryetari i opozitës. Sipas ish-Kryeministrit, Rama kërkoi të merrte me forcë institucionin e Kryeministrisë, dhe kjo gjë ishte e papranueshme.
Berisha tha se ai nuk ka patur kurrë ndërmend që ta lëshonte zyrën e kryeministrit gjatë protestës ku vranë 4 protestues. Ai madje përsëriti se Rama s’do të ishte më sot, nëse nuk do të përmbahej pas atyre ngjarjeve.
“Ai kërkonte të mbante fjalim nga zyra ime. Për asnjë arsye në botë nuk do ta lëshoja zyrën time. Por nëse Rama s’do të përmbahej, ai sot s’do të ishte më”, tha Berisha.
“Dyzetë herë kam shprehur dhimbjen për viktimat e 21 janarit, por institucioni nuk dorëzohej kurrë nga Sali Berisha. Ishte bërë zgjedhje e gabuar nga Edi Rama. Unë isha në krye të detyrës. Ajo ishte ditë pune. As 3, as 13, as 300 nuk do mund të pushtonin zyrën time. Atë zyrë nuk e ka sulmuar kurrë Sali Berisha kjo është e faktuar. Nuk mund të sulmohet sepse është institucion”, tha Berisha.
Ndërsa për gazetarin Andrea Stefani Berisha tha se ai nuk ka qenë armik i tiji. “Atë që bëra për Andrea Stefanin e bëra me ndërgjegjie të plotë. Ai nuk ka qenë armik i imi. Në publicistikën e tij ai kishte qëndrime të drejta. Por unë e kam shumë të vështirë të konceptoj armik, kundërshtarin.
Më 21 janar është shënuar pikë kthese. Ai më rrethoi me qëllimin të vinte të mbante fjalim tek zyra ime. Kjo ishte tejkalim i çdo lloj kufiri.
