Të rinjtë e Partisë Demokratike kanë rrethuar sot disa institucione dhe ministri nga më të sulmuarat dhe më të akuzuarat politikisht në kuadër të 8 dhjetorit, Ditës së Rinisë.
Në të njëjtën kohë, FRPD proteston para Ministrisë së Brendshme, Ministrisë së Arsimit, Ministrisë së Shëndetësisë dhe Bashkisë së Tiranës. Tek kjo e fundit, të rinjtë demokratë kishin vendosur maska klounës ndërsa mbanin në duar parulla kundër kryebashkiakut Veliaj. “Arditin nuk ta falim!” ishte një prej pankartave në duart e tyre që i kushtohej 17-vjeçarit Ardit Gjoklaj që u vra në Sharrë.
Pas përfundimit të protestës në këto institucione, FRPD do të mblidhet përpara godinës së Kryeministrisë.
